ప్రపంచ విప్లవయోధుడు ఎర్నెస్టో చేగువేరా జయంతి వేడుకలను చౌటుప్పల్ పట్టణంలో జనసేన పార్టీ ఆధ్వర్యంలో ఘనంగా నిర్వహించారు. పార్టీ నాయకుడు ఆముదాల పరమేశ్ ఆధ్వర్యంలో చేగువేరా చిత్రపటానికి పూలమాలలు వేసి నివాళులర్పించారు. ఈ సందర్భంగా "ప్రతి అడుగు స్వచ్ఛత వైపు.. నవ నిర్మాణమే జనసేన లక్ష్యం" అనే నినాదంతో పైలాన్ పార్క్, తంగేడు వనంలో ప్రజలకు చెత్తబుట్టలను పంపిణీ చేశారు. అలాగే యువతకు చేగువేరా జీవిత చరిత్ర పుస్తకాలను అందజేశారు.​ఈ సందర్భంగా పరమేశ్ మాట్లాడుతూ.. సరిహద్దులు లేని మానవత్వం కోసం పోరాడిన చేగువేరా సిద్ధాంతాలను ఆదర్శంగా తీసుకుని జనసైనికులు ప్రజా సమస్యలపై ముందుకు సాగాలని పిలుపునిచ్చారు. ఈ కార్యక్రమంలో ఆముదాల పరమేశ్, బొల్లం మల్లేశ్, చిన్నం ప్రశాంత్, బద్రి రాజు, చిన్నం రాజీవ్, పెద్దగొని లింగస్వామి, సరికొండ సంజయ్, పాశం శ్రీనాథ్, శ్రీకాంత్, ముద్ధం రాజు, గణేష్, దొడ్డి వంశీ, బాలగోని శివ, జన సైనికులు తదితరులు పాల్గొన్నారు.