భారతీయ జీవిత బీమా ఏజెంట్ల సమాఖ్య (LIAFI 1964) జనరల్ బాడీ సమావేశాన్ని ఈ నెల 17, 18వ తేదీల్లో నాగోల్‌లోని శుభం కన్వెన్షన్ హాల్లో నిర్వహించనున్నట్లు అడ్వైజరీ బోర్డు కో-చైర్మన్ కౌటికే విఠల్ తెలిపారు. ఈ సమావేశానికి జాతీయ, రాష్ట్ర స్థాయిల నుంచి 3,000 మందికి పైగా ప్రతినిధులు హాజరవుతారని పేర్కొన్నారు.ఈ రెండ్రోజుల సదస్సులో ఏజెంట్లు, పాలసీదారులు ఎదుర్కొంటున్న సమస్యలపై ప్రధానంగా చర్చించి, భవిష్యత్తు కార్యాచరణను రూపొందిస్తామని వివరించారు. పాలసీదారుల ప్రయోజనాలే లక్ష్యంగా ఉన్నతాధికారులకు వినతులు సమర్పిస్తామన్నారు. సమాఖ్య బలోపేతానికి అందరి సలహాలతో ముందుకెళ్తామని ప్రధాన కార్యదర్శి ఎస్.బి. శ్రీనివాసచారి తెలిపారు.ఈ సమావేశంలో రాజ్యాంగ కమిటీ చైర్మన్,అడ్వైజరీ పోటీ చైర్మన్ బి ఎన్ చారి, స్వాగత కమిటీ చైర్మన్ సింగారపు శ్రీనివాస్, ప్రెస్ అండ్ పబ్లిసిటీ చైర్మన్ షేక్ షాజహాన్, వైస్ ప్రెసిడెంట్ ఎమ్మెస్ మూర్తి, కోశాధికారి బి శ్రీరామ్ మహిళా ప్రతినిధి హేమలత, సికింద్రాబాద్ డివిజన్ కార్యదర్శి సునీల్ కుమార్, హైదరాబాద్ డివిజన్ కార్యదర్శి సీనయ్య, పబ్లిసిటీ కో చైర్మన్ సురేష్ తదితరులు పాల్గొన్నారు.