నారాయణఖేడ్ నియోజకవర్గం కంగ్టి మండల కేంద్రానికి చెందిన రిపోర్టర్ షేక్ జలీల్ తల్లి హఠాన్మరణం చెందడంతో కంగ్టి ఎస్సై సిద్ధ దుర్గారెడ్డి వారి కుటుంబాన్ని పరామర్శించారు. కుటుంబ సభ్యులను ఓదార్చి ప్రగాఢ సానుభూతి తెలిపారు. మృతురాలి ఆత్మకు శాంతి చేకూరాలని ప్రార్థిస్తూ, ఈ కష్ట సమయంలో కుటుంబ సభ్యులు ధైర్యంగా ఉండాలని సూచించారు. ఎస్సై పరామర్శతో కుటుంబ సభ్యులకు కొంత ధైర్యం కలిగింది. ఈ సందర్భంగా ఎస్సై దుర్గారెడ్డికి కుటుంబ సభ్యులు కృతజ్ఞతలు తెలిపారు. కార్యక్రమంలో హెడ్ కానిస్టేబుల్ రాజ్‌కుమార్, హోంగార్డులు మచ్చేందర్, మజారుద్దీన్ మున్నా, కుటుంబ సభ్యులు, బంధువులు, స్థానికులు పాల్గొన్నారు.