ఘటనా స్థలానికి చేరుకున్న ఇన్‌స్పెక్టర్ మన్మధ కుమార్

రంగ్ లోకి దిగిన క్లూస్ టీమ్, డాగ్ స్క్వాడ్

చౌటుప్పల్ పోలీస్ స్టేషన్ పరిధిలోని పంతంగి గ్రామం చనగలగుట్ట వద్ద ఆదివారం ఓ వ్యక్తి దారుణంగా హత్యకు గురయ్యాడు. పోలీసుల వివరాల ప్రకారం... అంకిరెడ్డిగూడెం గ్రామానికి చెందిన రాపోలు దానయ్య (36, తండ్రి: లేట్ వెంకయ్య, కులం: వడ్డెర, వృత్తి: వ్యవసాయం) చనగలగుట్ట సమీపంలో శవమై కనిపించాడు. సమాచారం అందుకున్న వెంటనే చౌటుప్పల్ ఇన్‌స్పెక్టర్ జి. మన్మధ కుమార్ తన సిబ్బందితో కలిసి సంఘటనా స్థలానికి చేరుకుని పరిశీలించారు. ​హత్యకు సంబంధించిన ఆధారాలను సేకరించేందుకు వెంటనే క్లూస్ టీమ్, డాగ్ స్క్వాడ్‌ను రప్పించారు. వారు ఘటనా స్థలంలో కీలక ఆధారాలను సేకరించడంతో పాటు పరిసర ప్రాంతాలను క్షుణ్ణంగా తనిఖీ చేశారు. ఈ ఘటనపై కేసు నమోదు చేసి, హత్యకు గల కారణాలు, నిందితుల వివరాలపై పూర్తి స్థాయిలో దర్యాప్తు జరుపుతున్నట్లు ఇన్‌స్పెక్టర్ మన్మధ కుమార్ తెలిపారు. త్వరలోనే పూర్తి వివరాలు వెల్లడిస్తామని ఆయన పేర్కొన్నారు.