నారాయణఖేడ్ నియోజకవర్గంలోని మానూర్ మండలం బోరంచ గ్రామ పంచాయతీ కార్యాలయంలో సోమవారం టిబీ వ్యాధిపై అవగాహన కార్యక్రమంతో పాటు ఎక్స్‌రే శిబిరం నిర్వహించారు. ఈ సందర్భంగా వైద్య సిబ్బంది టిబీ లక్షణాలు, నివారణ చర్యలు, చికిత్సపై గ్రామస్థులకు అవగాహన కల్పించారు. రెండు వారాలకు మించి దగ్గు, జ్వరం, బరువు తగ్గడం, ఆకలి లేకపోవడం వంటి లక్షణాలు ఉంటే నిర్లక్ష్యం చేయకుండా వెంటనే వైద్యులను సంప్రదించాలని సూచించారు. టిబీ పూర్తిగా నయం అయ్యే వ్యాధి అని, వైద్యుల సూచన మేరకు క్రమం తప్పకుండా మందులు వాడాలని తెలిపారు. టిబీని ముందస్తుగా గుర్తించేందుకు నిర్వహించిన ఎక్స్‌రే శిబిరాన్ని గ్రామస్థులు సద్వినియోగం చేసుకుని ఆరోగ్య పరీక్షలు చేయించుకోవాలని వైద్య సిబ్బంది కోరారు. కార్యక్రమంలో డాక్టర్ రామకృష్ణరెడ్డి, హెల్త్ అసిస్టెంట్ రామకృష్ణ, టీబీ సూపర్‌వైజర్ ప్రకాశ్, ఎంఎల్‌హెచ్‌పీ ప్రతిభ, ఏఎన్‌ఎం శిల్ప, ఆశా కార్యకర్తలు ఏలిశమ్మ, పద్మ, పంచాయతీ కార్యదర్శి సంతోష్, ఉపసర్పంచ్ మొల్ల కరీం, మాజీ సర్పంచ్ నారాయణ, వార్డు సభ్యులు, గ్రామ పెద్దలు, యువత, గ్రామస్థులు పాల్గొన్నారు.