చౌటుప్పల్ మండలం చిన్నకొండూర్ గ్రామంలోని శ్రీ రామలింగేశ్వర స్వామి దేవాలయం సమీపంలో నిర్మించనున్న నూతన ఆలయాల నిర్మాణ కరపత్రాన్ని శనివారం ఘనంగా ఆవిష్కరించారు. ఆలయ కమిటీ అధ్యక్షులు ఎరుకల రామదాసు గౌడ్ ఆధ్వర్యంలో జరిగిన ఈ కార్యక్రమంలో గ్రామ సర్పంచ్ తిగుళ్ల చంద్రయ్య, ఉప సర్పంచ్ గడ్డం సత్తయ్యలు ముఖ్య అతిథులుగా హాజరై దీనిని విడుదల చేశారు.​ఈ సందర్భంగా వారు మాట్లాడుతూ, గ్రామంలో ఆధ్యాత్మిక వాతావరణాన్ని పెంపొందించేందుకు ఈ నిర్మాణాలకు శ్రీకారం చుట్టామని, అందరి సహకారంతో పనులు పూర్తి చేస్తామని తెలిపారు. తన ఆధ్వర్యంలో ఆలయాల నిర్మాణం జరగడం పూర్వజన్మ సుకృతంగా భావిస్తున్నానని రాందాస్ గౌడ్ పేర్కొన్నారు. ఈ కార్యక్రమంలో ఆలయ కమిటీ సభ్యులు, వార్డు సభ్యులు, భక్తులు పాల్గొన్నారు.