* అధికారులకు చౌటుప్పల్ మున్సిపల్ కమిషనర్ వెంకటేశ్వర నాయక్ ఆదేశం

* క్షేత్రస్థాయిలో మున్సిపల్ కమిషనర్ పర్యటన

చౌటుప్పల్ పురపాలక సంఘం పరిధిలోని పాఠశాలల సమీపంలో కోతులు, వీధి కుక్కల బెడద లేకుండా తక్షణమే తగిన జాగ్రత్తలు, నివారణ చర్యలు చేపట్టాలని మున్సిపల్ కమిషనర్ వెంకటేశ్వర నాయక్ అధికారులను ఆదేశించారు. పాఠశాలల పరిసరాల్లో కోతుల సంచారం ఎక్కువగా ఉందన్న సమాచారంతో మంగళవారం ఆయన క్షేత్రస్థాయిలో పర్యటించి పరిస్థితిని స్వయంగా సమీక్షించారు.​ఇటీవలే నూతన విద్యా సంవత్సరం ప్రారంభమై విద్యార్థులు పాఠశాలలకు వస్తున్న నేపథ్యంలో, వారి భద్రతకు మొదటి ప్రాధాన్యత ఇవ్వాలని కమిషనర్ స్పష్టం చేశారు. పాఠశాల ఆవరణలో కానీ, పరిసర ప్రాంతాలలో కానీ విద్యార్థులకు ఎలాంటి ఇబ్బంది కలగకుండా కోతులను, వీధి కుక్కలను నియంత్రించాలని అక్కడికక్కడే అధికారులకు, సిబ్బందికి ఆదేశాలు జారీ చేశారు.​పాఠశాలల ప్రాంగణాల్లో విద్యార్థుల భద్రత విషయంలో ఎలాంటి నిర్లక్ష్యాన్ని సహించేది లేదు.​మున్సిపల్ సిబ్బంది నిరంతరం క్షేత్రస్థాయిలో పర్యవేక్షిస్తూ అప్రమత్తంగా ఉండాలి.​పాఠశాలల పరిసరాలను ఎప్పటికప్పుడు పరిశుభ్రంగా ఉంచుతూ, పిచ్చిమొక్కలను త్వరితగతిన తొలగించాలి.​అధికారులు, సిబ్బంది అందరూ సమన్వయంతో పనిచేసి ఈ సమస్యను త్వరితగతిన పరిష్కరించాలని, విద్యార్థులకు సురక్షితమైన వాతావరణాన్ని కల్పించాలని కమిషనర్ వెంకటేశ్వర నాయక్ ఆదేశించారు.