చౌటుప్పల్ పట్టణం, మండల పరిధిలో అనుమతులు లేకుండా నడుస్తున్న ప్రైవేటు పాఠశాలలపై, అలాగే నిబంధనలకు విరుద్ధంగా క్యాంపస్‌లోనే పుస్తకాలు విక్రయిస్తున్న యాజమాన్యాలపై క్రిమినల్ కేసులు నమోదు చేసి చర్యలు తీసుకోవాలని బీజేవైఎం నాయకులు డిమాండ్ చేశారు. మంగళవారం స్థానిక ఎంఈఓకు వారు వినతి పత్రం సమర్పించారు.​ఈ సందర్భంగా బీజేవైఎం జిల్లా ప్రధాన కార్యదర్శి దిండు భాస్కర్, మండల అధ్యక్షుడు పబ్బు వంశీ గౌడ్ మాట్లాడుతూ.. విద్యాశాఖ అధికారులు స్పందించకపోతే అనుమతులు లేని పాఠశాలలను ముట్టడిస్తామని హెచ్చరించారు. అలాగే పేద విద్యార్థులకు ప్రైవేటు పాఠశాలల్లో 25 శాతం ఉచిత విద్యను అందించాలని డిమాండ్ చేశారు.ఈ కార్యక్రమంలో మండల ఉపాధ్యక్షులు తెలుకుంట్ల శ్రీకాంత్, సోషల్ మీడియా ఇంచార్జి గట్టు పవన్, దూసరి శివసాయి, బాతరాజు కార్తీక్ తదితరులు పాల్గొన్నారు.