తెలంగాణ రాష్ట్ర ఉప సర్పంచ్‌ల ఫోరం రాష్ట్ర కార్యదర్శిగా యాదాద్రి భువనగిరి జిల్లా, చౌటుప్పల్ మండలం నేలపట్ల గ్రామ ఉప సర్పంచ్ చిన్నం బాలరాజు కురుమ నియమితులయ్యారు. ఈ మేరకు ఫోరం రాష్ట్ర అధ్యక్షుడు బోట్ల కార్తీక్ అధికారిక ఉత్తర్వులు జారీ చేశారు.​తన నియామకంపై చిన్నం బాలరాజు హర్షం వ్యక్తం చేశారు. తనపై నమ్మకంతో ఇంతటి కీలక బాధ్యతలను అప్పగించిన రాష్ట్ర అధ్యక్షుడు బోట్ల కార్తీక్‌కు ఆయన ప్రత్యేక కృతజ్ఞతలు తెలిపారు. ఈ సందర్భంగా ఆయన మాట్లాడుతూ...​"రాష్ట్రంలోని ఉప సర్పంచుల హక్కుల పరిరక్షణకు, స్థానిక సంస్థల బలోపేతానికి నా శాయశక్తులా కృషి చేస్తాను. గ్రామ పంచాయతీల అభివృద్ధి, ప్రజాప్రతినిధుల సంక్షేమమే ధ్యేయంగా నిరంతరం అందుబాటులో ఉంటాను."

​తన నియామకానికి సహకరించిన ఫోరం రాష్ట్ర ప్రధాన కార్యదర్శి మజ్జిగ నరేష్, యాదాద్రి భువనగిరి జిల్లా అధ్యక్షుడు సుర్కంటి శ్రీధర్ రెడ్డితో పాటు రాష్ట్రంలోని ఉప సర్పంచులందరికీ ఆయన పేరుపేరునా ధన్యవాదాలు తెలియజేశారు. బాలరాజు నియామకం పట్ల నేలపట్ల గ్రామ ప్రజలు, స్థానిక ప్రజాప్రతినిధులు హర్షం వ్యక్తం చేస్తూ అభినందనలు తెలిపారు.