తెలంగాణ రాష్ట్ర ముఖ్యమంత్రి అనుముల రేవంత్ రెడ్డి మంగళవారం హైదరాబాద్ నగరంలో జిల్లా పరిపాలనాధికారులతో సమీక్షా సమావేశం నిర్వహించారు.రాష్ట్ర అభివృద్ధి కార్యక్రమాలు వేగవంతంగా అమలు కావడం, ప్రభుత్వ సంక్షేమ పథకాలు అర్హులైన ప్రతి కుటుంబానికి చేరడం, ప్రజలకు అందే సేవలు మరింత మెరుగుపడడం వంటి అంశాలపై ఆయన విస్తృతంగా చర్చించారు.ఈ సమావేశంలో వివిధ జిల్లాల పరిపాలనాధికారులు పాల్గొన్నారు.అందులో భాగంగా సంగారెడ్డి జిల్లా కలెక్టర్ పి ప్రావీణ్య కూడా హాజరయ్యారు. సంగారెడ్డి జిల్లాలో అమలవుతున్న అభివృద్ధి పనులు, సంక్షేమ కార్యక్రమాల పురోగతి, ప్రజల నుంచి వచ్చిన వినతులు మరియు వాటి పరిష్కార చర్యలపై ఆమె వివరాలు అందించారు.ప్రతి గ్రామం, ప్రతి పట్టణంలో ప్రభుత్వ పథకాలు సమర్థవంతంగా అమలు కావాలని ముఖ్యమంత్రి అధికారులకు సూచించారు. ప్రజల సమస్యలు తక్షణమే పరిష్కరించడానికి కృషి చేయాలని, పనితీరులో పారదర్శకత ఉండాలని ఆయన ఆదేశించారు. జిల్లాల వారీగా పనుల పురోగతిని నిరంతరం పరిశీలిస్తూ అవసరమైన సూచనలు ఇస్తామని తెలిపారు.రాష్ట్ర సమగ్ర అభివృద్ధి దిశగా ఈ సమావేశం ముఖ్యమైన అడుగుగా నిలిచింది.