నారాయణఖేడ్ మండలం అనంతసాగర్ గ్రామానికి చెందిన ఐకేపీ వివో కొండ సాయిలు తనను ఎలాంటి సమాచారం ఇవ్వకుండా గత ఏడాది మే నెలలో అకారణంగా పదవి నుండి తొలగించారని ఆరోపిస్తూ జిల్లా కలెక్టర్‌కు వినతి పత్రం సమర్పించారు. తనపై ఎలాంటి తప్పులు లేకపోయినా విచారణ లేకుండా తొలగించారని, గ్రామ సమైక్య సంఘ సమావేశం కూడా నిర్వహించలేదని తెలిపారు. ఈ విషయంలో అధికారులను ప్రశ్నించినప్పటికీ సరైన సమాధానం ఇవ్వలేదని, గత ఏడాది నుంచి తిరుగుతున్నప్పటికీ తన సమస్యను పట్టించుకోవడం లేదని ఆవేదన వ్యక్తం చేశారు. గ్రామ ప్రజాప్రతినిధులు, మహిళా సంఘాల మద్దతు తనకు ఉందని పేర్కొంటూ పూర్తి స్థాయి విచారణ జరిపి తిరిగి వివోగా నియమించాలని జిల్లా కలెక్టర్‌ను సాయిలు కోరుతున్నారు.