గోపయ్య చారి స్ఫూర్తితో ప్రజాసేవలోకి

46వ వార్డు బిజెపి కౌన్సిలర్ అభ్యర్థి పోలోజు మౌనిక పిలుపు

ప్రజలు ఆశీర్వదిస్తే 46వ వార్డును అన్ని రంగాల్లో అభివృద్ధి చేస్తానని బిజెపి కౌన్సిలర్ అభ్యర్థి పోలోజు మౌనిక స్పష్టం చేశారు. సోమవారం 46వ వార్డులో నిర్వహించిన గడపగడపకు ప్రచారంలో భాగంగా ఆమె మాట్లాడారు.వార్డు ప్రజల మధ్యే ఉండి, వారి సమస్యలను నేరుగా తెలుసుకుంటూ, నిత్యం ప్రజాసేవకు అంకితమైన వ్యక్తులకు ఓటు వేయాలని ఆమె కోరారు. మీ ఇంటి ఆడబిడ్డగా మీ ముందుకు వచ్చానని, ప్రజల ఆశీర్వాదమే తన బలం అని పేర్కొన్నారు.దేశ సేవలో ప్రాణాలర్పించిన తన తండ్రి గోపయ్య చారి స్ఫూర్తితోనే రాజకీయాల్లోకి వచ్చానని, అదే స్ఫూర్తితో వార్డు అభివృద్ధికి నిరంతరం శ్రమిస్తానని తెలిపారు. గత పది సంవత్సరాలుగా వార్డు సమస్యలపై పోరాడుతూ ప్రజల పక్షాన నిలబడ్డానని గుర్తు చేశారు.నీటి సమస్య, డ్రైనేజీ, రహదారులు, పారిశుధ్యం వంటి మౌలిక వసతుల అభివృద్ధితో పాటు మహిళలు, యువతకు ప్రత్యేక ప్రాధాన్యం ఇస్తానని ఆమె హామీ ఇచ్చారు. సేవ చేసే వారికే ప్రజలు పట్టం కట్టాలని కోరుతూ, అత్యధిక మెజారిటీతో గెలిపించాలని విజ్ఞప్తి చేశారు.ఈ కార్యక్రమంలో బిజెపి నాయకులు, కార్యకర్తలు, మహిళలు తదితరులు పెద్ద సంఖ్యలో పాల్గొన్నారు.