నల్లగొండ: పట్టణంలోని మర్రిగూడ జంక్షన్ వద్ద నూతనంగా నిర్మించిన ఫ్లైఓవర్‌ను రాష్ట్ర రోడ్లు, భవనాల శాఖ మంత్రి కోమటిరెడ్డి వెంకట్ రెడ్డి శనివారం ప్రారంభించారు. ప్రజలకు అంకితం చేసిన ఈ ఫ్లైఓవర్‌తో నల్లగొండ పట్టణంలో ట్రాఫిక్ సమస్యలు గణనీయంగా తగ్గనున్నాయని అధికారులు పేర్కొన్నారు.

ఈ సందర్భంగా మంత్రి కోమటిరెడ్డి వెంకట్ రెడ్డి మాట్లాడుతూ, ప్రజల రాకపోకలకు మరింత సౌకర్యం కల్పించడమే ప్రభుత్వ లక్ష్యమని అన్నారు. పట్టణాభివృద్ధికి అవసరమైన మౌలిక సదుపాయాల కల్పనకు ప్రభుత్వం ప్రాధాన్యత ఇస్తోందని పేర్కొన్నారు. ఈ ఫ్లైఓవర్ ప్రారంభంతో మర్రిగూడ జంక్షన్ వద్ద ట్రాఫిక్ రద్దీ తగ్గి, వాహనదారులు వేగవంతంగా ప్రయాణించే అవకాశం ఏర్పడుతుందని తెలిపారు.ప్రారంభోత్సవ కార్యక్రమంలో ప్రజాప్రతినిధులు, అధికారులు, వివిధ శాఖల సిబ్బంది, స్థానిక నాయకులు, పెద్ద సంఖ్యలో ప్రజలు పాల్గొన్నారు.