గ్రామాభివృద్ధే లక్ష్యంగా పనిచేస్తా: సర్పంచ్ మల్లేష్‌ గౌడ్‌

చౌటుప్పల్ మండలం అంకిరెడ్డిగూడెం గ్రామ సర్పంచ్ సుర్వి మల్లేష్ గౌడ్ జన్మదిన వేడుకలను గ్రామ ప్రజలు, ప్రజాప్రతినిధులు, అభిమానులు ఘనంగా నిర్వహించారు. ఈ సందర్భంగా సర్పంచ్‌చే కేక్ కట్ చేయించి, పుష్పగుచ్ఛాలు అందజేసి జన్మదిన శుభాకాంక్షలు తెలిపారు.

​గ్రామాభివృద్ధికి ప్రాధాన్యం​సర్పంచ్ సుర్వి మల్లేష్ గౌడ్ నాయకత్వంలో గ్రామంలో అభివృద్ధి పనులు వేగంగా ముందుకు సాగుతున్నాయని పలువురు కొనియాడారు. ప్రజల సమస్యల పరిష్కారంలో ఎల్లప్పుడూ ముందుంటూ, గ్రామాభివృద్ధికి అంకితభావంతో పనిచేస్తున్నారని పేర్కొన్నారు. ఇటీవల కాలంలో గ్రామంలో సీసీ రోడ్ల నిర్మాణం, అండర్‌గ్రౌండ్ డ్రైనేజీ వంటి మౌలిక వసతుల కల్పన పనులు చేపట్టినట్లు తెలిపారు. సర్పంచ్ మాట్లాడుతూ.. నాపై నమ్మకం ఉంచి ఆదరిస్తున్న గ్రామ ప్రజల ప్రేమాభిమానాలకు ఎల్లప్పుడూ రుణపడి ఉంటాను. ప్రజలందరి సహకారంతో అంకిరెడ్డిగూడెం సమగ్ర అభివృద్ధే లక్ష్యంగా ముందుకు సాగుతాను అన్నారు. ​ఈ కార్యక్రమంలో గ్రామ పెద్దలు, వార్డు సభ్యులు, యువకులు, మహిళలు, స్థానిక అభిమానులు పెద్ద సంఖ్యలో పాల్గొని సర్పంచ్‌కు శుభాకాంక్షలు అందజేశారు.