చిట్యాల పట్టణ కేంద్రం లో హైదరాబాద్

నుంచి మిర్యాలగూడ వైపు పెయింటింగ్ డబ్బాల లోడుతో వెళ్తున్న ఓ బొలెరో వాహనం బ్రేకులు ఫెయిల్ కావడంతో అదుపుతప్పి రోడ్డుపై బోల్తా పడింది. ఈ ప్రమాదంతో రహదారిపై వాహనాల రాకపోకలకు తీవ్ర అంతరాయం ఏర్పడి రెండు వైపులా భారీ ట్రాఫిక్ జాం నెలకొంది.

ప్రమాద సమాచారం అందుకున్న పోలీసులు వెంటనే ఘటనాస్థలికి చేరుకుని సహాయక చర్యలు చేపట్టారు. బోల్తా పడిన వాహనాన్ని రహదారి నుంచి తొలగించి ట్రాఫిక్‌ను క్రమబద్ధీకరించారు. దీంతో కొంతసేపటి తర్వాత వాహనాల రాకపోకలు సాధారణ స్థితికి చేరుకున్నాయి.

ఈ ఘటనలో పెయింటింగ్ డబ్బాలు రోడ్డుపై చెల్లాచెదురుగా పడిపోగా, వాహనానికి స్వల్ప నష్టం జరిగినట్లు తెలిసింది. ప్రమాదానికి సంబంధించిన పూర్తి వివరాలు తెలియాల్సి ఉంది.