జిల్లా కార్యక్రమ నిర్వహణ అధికారి ఐబీ జాన్ కెనడీ, జిల్లా కార్యక్రమ నిర్వహణ అధికారి ఆర్థిక విభాగం వెంకటేశం, స్త్రీనిధి ప్రాంతీయ అధికారి కలిసి కల్హేర్ మండల పరిధిలోని మార్డి గ్రామాన్ని సందర్శించారు. ఈ సందర్భంగా గ్రామ పంచాయతీ కార్యాలయంలో సమావేశం నిర్వహించి, గతంలో పనిచేసిన అరుణపై వచ్చిన ఆరోపణలపై గ్రామ పెద్దలతో చర్చించారు. అనంతరం గ్రామ సంఘ భవనాన్ని పరిశీలించారు. తరువాత బ్యాంకు మేనేజర్‌ను కలిసి బ్యాంకు అనుసంధానం, ఆహార ఉత్పత్తుల ప్రోత్సాహక పథకం, ఉపాధి సృష్టి పథకాల రుణాలపై చర్చించారు. అలాగే మండల సమాఖ్యలో ఉన్న ఆరోగ్య కేంద్రాన్ని సందర్శించారు. మండల సమాఖ్య కార్యాలయంలో సిబ్బందితో సమావేశం నిర్వహించి, వివిధ కార్యక్రమాల పురోగతిపై సమీక్ష చేశారు. ఈ కార్యక్రమంలో ఏపీఎం వంశీ కృష్ణ, సర్పంచ్ విజయలక్ష్మి, రవీందర్ రెడ్డి, గ్రామ పెద్దలు జితేందర్ రెడ్డి, నరసింహ రెడ్డి, అనిల్ రెడ్డి, సీసీలు రాములు, కల్పనా తదితరులు పాల్గొన్నారు.