11వ వార్డులో బుట్ట గుర్తుకు ప్రజల మద్దతు కోరిన ఎల్గూరి ఇందిర

సూర్యాపేట (సిటీ): ప్రజలు మద్దతు ఇచ్చి తనను గెలిపిస్తే 11వ వార్డును అన్ని రంగాల్లో అభివృద్ధి చేస్తానని అభ్యర్థి ఎల్గూరి ఇందిర తెలిపారు. జిల్లా కేంద్రంలోని 11వ వార్డులో ఇంటింటి ప్రచారం నిర్వహిస్తూ ఆమె ప్రజలను నేరుగా కలుసుకుని మద్దతు కోరారు.ఈ సందర్భంగా ఆమె మాట్లాడుతూ, బిఆర్ఎస్, సీపీఎం, టీఆర్‌పీ పార్టీల మద్దతుతో బరిలో ఉన్న తనకు ప్రజలందరూ అండగా నిలిచి బుట్ట గుర్తుకు ఓటు వేసి గెలిపించాలని కోరారు. పార్టీ రాజకీయాలకు అతీతంగా ప్రజా సంక్షేమమే తన లక్ష్యమని స్పష్టం చేశారు.వార్డు ప్రజల సమస్యలను ప్రాధాన్యంగా తీసుకుని తాగునీరు, పారిశుధ్యం, రహదారులు, వీధి దీపాలు వంటి మౌలిక సదుపాయాల అభివృద్ధికి కృషి చేస్తానని తెలిపారు. మహిళలు, యువతకు అవసరమైన సౌకర్యాలు కల్పించడంతో పాటు, ప్రతి ఇంటి సమస్యకు వెంటనే స్పందించే నాయకత్వం అందిస్తానని హామీ ఇచ్చారు.ఇంటింటి ప్రచారంలో వార్డు ప్రజలు ఆమెకు సానుకూల స్పందన చూపారని, మహిళలు పెద్ద సంఖ్యలో మద్దతు తెలుపుతూ ముందుకు రావడం హర్షణీయమని ఆమె పేర్కొన్నారు. ప్రజల విశ్వాసం, ఆశీర్వాదంతో విజయం సాధించి 11వ వార్డును ఆదర్శ వార్డుగా తీర్చిదిద్దుతానని ధీమా వ్యక్తం చేశారు.

ఈ ప్రచార కార్యక్రమంలో వార్డు నాయకులు, మహిళలు, యువకులు పెద్ద సంఖ్యలో పాల్గొని బుట్ట గుర్తుకు మద్దతు తెలిపారు.