భువనగిరి,: మున్సిపల్ ఎన్నికల కౌంటింగ్ ప్రక్రియను పారదర్శకంగా, ప్రశాంతంగా నిర్వహించేందుకు కౌంటింగ్ కేంద్రాల్లో భద్రతా చర్యలను కట్టుదిట్టం చేసినట్లు జిల్లా కలెక్టర్ హనుమంతరావు తెలిపారు.కౌంటింగ్ హాళ్లలోకి మొబైల్ ఫోన్లు, కెమెరాలు, స్మార్ట్ వాచీలు, బ్లూటూత్ పరికరాలు సహా ఇతర ఎలక్ట్రానిక్ వస్తువులను పూర్తిగా నిషేధించినట్లు స్పష్టం చేశారు. కౌంటింగ్ సిబ్బంది, అభ్యర్థుల ఏజెంట్లు ఎవరూ ఈ నిబంధనలను ఉల్లంఘించరాదని ఆదేశించారు.భద్రతా తనిఖీలు పూర్తయ్యాక మాత్రమే కౌంటింగ్ కేంద్రాల్లోకి అనుమతిస్తామని వెల్లడించారు. నిబంధనలు అతిక్రమించిన వారిపై ఎన్నికల చట్టాల ప్రకారం కఠిన చర్యలు తీసుకుంటామని హెచ్చరించారు.కౌంటింగ్ ప్రక్రియ సజావుగా, వివాదరహితంగా సాగేందుకు రాజకీయ పార్టీలు, అభ్యర్థులు, సిబ్బంది పూర్తి సహకారం అందించాలని కలెక్టర్ కోరారు.