నారాయణఖేడ్ నియోజకవర్గంలోని నారాయణఖేడ్ పట్టణ పరిధిలో శనివారం సంతోషకర వాతావరణంలో ఒక సౌహార్ద సమావేశం జరిగింది. జహీరాబాద్ పార్లమెంట్ సభ్యులు సురేష్ కుమార్ షేట్కార్ స్వగృహంలో ఈ సమావేశం నిర్వహించబడింది.ఇటీవల నారాయణఖేడ్ మున్సిపాలిటీలో ఘన విజయాన్ని సాధించి భారీ మెజార్టీతో గెలుపొందిన నగేష్ కుమార్ షట్కార్‌ను ఆ సందర్భంలో కలసి హృదయపూర్వక శుభాకాంక్షలు తెలియజేశారు. ప్రజల విశ్వాసాన్ని గెలుచుకుని సాధించిన ఈ విజయానికి అభినందనలు తెలియజేస్తూ, భవిష్యత్తులో పట్టణ అభివృద్ధికి కృషి చేయాలని ఆకాంక్షించారు.ఈ కార్యక్రమంలో విగ్రాం రామాగౌడ్ పీపుల్స్ వెల్ఫేర్ ట్రస్ట్ చైర్మన్ డాక్టర్ విగ్రాం శ్రీనివాస్ గౌడ్, మాజీ మండల పరిషత్ అధ్యక్షుడు, ఆహార సంస్థ మాజీ డైరెక్టర్, మాజీ చేనేత సహకార సంఘం చైర్మన్ మహంకాళి కృష్ణమూర్తి, కాంగ్రెస్ పార్టీ సీనియర్ నాయకులు కాగిత సాయిలు, కందుకూరి నరేష్, కైరం కొండ నాగరాజ్ తదితరులు పాల్గొన్నారు.ఈ సందర్భంగా నాయకులు అందరూ కలిసి నగేష్ కుమార్ షట్కార్‌కు పుష్పగుచ్ఛాలు అందజేసి శుభాకాంక్షలు తెలిపారు. ప్రజల సేవే ప్రధాన ధ్యేయంగా తీసుకుని నారాయణఖేడ్ పట్టణ అభివృద్ధికి అంకితభావంతో పనిచేయాలని ఆకాంక్షించారు. ఈ సమావేశం స్నేహపూర్వక వాతావరణంలో ముగిసింది.