సంగారెడ్డి తారా ప్రభుత్వ కళాశాలలో కేంద్ర యువజన వ్యవహారాలు మరియు క్రీడల శాఖ సహకారంతో జాతీయ సేవా పథకం మరియు మేరా యువ భారత్, సంగారెడ్డి ఆధ్వర్యంలో జిల్లా స్థాయి వికసిత్ భారత్ యువత్ పార్లమెంట్ కార్యక్రమం విజయవంతంగా నిర్వహించబడింది.కళాశాల ప్రిన్సిపాల్ ప్రవీణ్ మరియు జిల్లా యువజన అధికారి రంజిత్ రెడ్డి ప్రకటనలో తెలిపారు.కార్యక్రమం ద్వారా యువతను దేశాభివృద్ధిలో భాగస్వామ్యం చేయడం,సామాజిక సమస్యలపై అవగాహన పెంపొందించడం లక్ష్యంగా తీసుకున్నారు. ముఖ్యంగా, “భారత ప్రజాస్వామ్యంపై ఎమర్జెన్సీ ప్రభావం” అనే అంశంపై యువత తమ అభిప్రాయాలను వ్యక్తపరిచారు.ప్రజాస్వామ్యంలో స్వేచ్ఛ, మానవ హక్కుల ప్రాముఖ్యతను చర్చిస్తూ యువత లోతైన అవగాహన సాధించారు.జిల్లాలో NSS ఆధ్వర్యంలో ఇదే విధమైన యువత్ పార్లమెంట్ తొలిసారిగా నిర్వహించడం గర్వకారణమని తెలిపారు. 18–25 ఏళ్ల మధ్య వయస్సు గల 400 మందికి పైగా యువతలోంచి 62 మంది ఎంపికై కార్యక్రమంలో పాల్గొన్నారు. ఈ కార్యక్రమంలో విజేతలలో ఐదుగురు రాష్ట్ర స్థాయి పోటీలకు ఎంపికై,ఆ తర్వాత ఢిల్లీలో జాతీయ స్థాయి వికసిత్ భారత్ యువత్ పార్లమెంట్‌లో పాల్గొనగలరు.కార్యక్రమంలో పాల్గొన్నారు:

సోషల్ వెల్ఫేర్ అధికారి అఖిలేష్ రెడ్డి

లా కళాశాల ప్రిన్సిపాల్ శ్రీనివాసరావు

విశ్వవిద్యాలయ ప్రొఫెసర్ శ్రీలత

యువజన అధికారి శశాంక్

కళాశాల అధ్యాపకులు సుజాత

ఇంకా, మై భారత్ అధికారి కిరణ్ కుమార్, కళాశాల వైస్ ప్రిన్సిపాల్ నిర్మల, డాక్టర్ జగదీశ్వర్, NSS అధికారులు సదయకుమార్, వాణి, జోష్నా, వల్లి సౌభాగ్యం, ఉమామహేశ్వరి, కళాశాల బృందం, అడ్మినిస్ట్రేటివ్ అధికారి కామరాజ్, వివిధ కళాశాలల విద్యార్థులు మరియు యువత పాల్గొన్నారు.కార్యక్రమం ద్వారా యువత సామాజిక, రాజకీయ, దేశాభివృద్ధిలో స్వయంగా పాత్ర పోషించగలరని స్పష్టమైన సందేశం ఇచ్చారు. యువతలో నాయకత్వ నైపుణ్యాలు,అవగాహన పెంపొందించడంలో ఇది ముఖ్యమైన అడుగు అని అధికారులు పేర్కొన్నారు.