రంగుల పండుగ హోలీ సందర్భంగా చిట్యాల మున్సిపాలిటీ ప్రజలకు మున్సిపల్ చైర్మన్ పందిరి గీతా రమేష్ హృదయపూర్వక శుభాకాంక్షలు తెలిపారు. హోలీ పండుగ సోదరభావం, ఐక్యత, ఆనందాలకు ప్రతీకగా నిలుస్తుందని ఆమె పేర్కొన్నారు.ఈ సందర్భంగా ఆమె మాట్లాడుతూ, ప్రతి ఇంటా సంతోషం, ఆరోగ్యం, ఐశ్వర్యం నిండాలని ఆకాంక్షించారు. సమాజంలో పరస్పర ప్రేమాభిమానాలు పెంపొందించే పండుగలలో హోలీ ప్రత్యేక స్థానం కలిగినదని చెప్పారు. యువత, చిన్నారులు సహా అందరూ సురక్షితంగా, పర్యావరణ హితంగా పండుగను జరుపుకోవాలని సూచించారు.మున్సిపాలిటీ పరిధిలో శుభ్రత, తాగునీరు, విద్యుత్ తదితర సదుపాయాలపై ప్రత్యేక చర్యలు తీసుకున్నామని, పండుగ రోజున ప్రజలకు ఎటువంటి ఇబ్బందులు కలగకుండా అధికారులు అప్రమత్తంగా పనిచేస్తారని తెలిపారు.చిట్యాల అభివృద్ధికి ప్రజల సహకారం అవసరమని, అదే విధంగా ప్రతి ఒక్కరూ శాంతి భద్రతలను కాపాడాలని ఆమె విజ్ఞప్తి చేశారు. రంగుల పండుగ అందరికీ ఆనందాన్ని పంచాలని కోరుతూ మరోసారి హోలీ శుభాకాంక్షలు తెలియజేశారు.