సీసీ కెమెరాలు ప్రారంభించిన: రూరల్ సిఐ హనుమంతు

న్యాల్‌కల్ మండల పరిధిలోని కాకిజన్ వాడ గ్రామంలో గ్రామ పంచాయతీ ఆధ్వర్యంలో సోమవారం గ్రామ సర్పంచ్, గ్రామ పెద్దలు, గ్రామస్తులు, యువత కలిసి గ్రామ భద్రతను బలోపేతం చేసే లక్ష్యంతో మొత్తం ఎనిమిది సీసీ కెమెరాలను ఏర్పాటు చేశారు. ఈ కార్యక్రమానికి ముఖ్య అతిథులుగా జహీరాబాద్ రూరల్ సిఐ హనుమంతు, హద్నూర్ ఎస్సై దోమ సుజిత్ హాజరై నూతనంగా ఏర్పాటు చేసిన సీసీ కెమెరాలను ప్రారంభించారు.ఈ సందర్భంగా వారు మాట్లాడుతూ గ్రామాల్లో సీసీ కెమెరాల ఏర్పాటు వల్ల నేరాల నియంత్రణకు సహకారం లభిస్తుందని, ప్రజల్లో భద్రతా అవగాహన పెరుగుతుందని తెలిపారు. గ్రామంలో ఈ సదుపాయం అందుబాటులోకి రావడంతో ప్రజల్లో భద్రతా భావం మరింత పెరిగిందని, ఇతర గ్రామాలు కూడా ఇలాంటి కార్యక్రమాలను చేపట్టాలని స్థానికులు అభిప్రాయపడ్డారు.