తుంగతుర్తి మండల పరిధిలోని అన్నారం గ్రామంలో మహిళా స్వయం సహాయక సంఘ బంధం నూతన భవన నిర్మాణ పనులకు గురువారం గ్రామ సర్పంచ్ కుంచాల శ్రీనివాస్ రెడ్డి భూమి పూజ చేసి శంకుస్థాపన చేశారు. అనంతరం వారు మాట్లాడుతూ మహిళా స్వయం సహాయక సంఘాలను (ఎస్ హెచ్ జి )బలోపేతం చేసేందుకు జాతీయ గ్రామీణ ఉపాధి హామీ పథకం నిధులతో మంజూరైన పది లక్షల రూపాయల తో నిర్మించనున్న సంఘం నూతన భవన నిర్మాణ పనులకు శంకుస్థాపన చేయడం జరిగిందన్నారు.గ్రామంలో గ్రామ సమైఖ్యలు ,మండల సమాఖ్యల సమావేశాలు, కార్యకలాపాల కోసం ఈ భవనాన్ని ఏర్పాటు చేయడం జరుగుతుందన్నారు. ఈ కార్యక్రమంలో ఉప సర్పంచ్ సరిత, గ్రామపంచాయతీ పాలకవర్గ సభ్యులు సుకన్య, లావణ్య, జానకమ్మ,మాజీ వైస్ ఎంపీపీ దొంగరి శ్రీనివాస్, మాజీ సర్పంచ్ చిత్తలూరి సోమశేఖర్, యాదగిరి, దేవదాసు, పోతరాజు, రాయుడు,నరేష్ భద్రయ్య, మహేష్, పంచాయతీరాజ్ డి ఈ లింగా నాయక్ ,ఏ ఈ మహేష్ తదితరులు పాల్గొన్నారు.