కంగ్టి మండల కేంద్రంలో డాక్టర్ బి.ఆర్. అంబేద్కర్ జయంతి ఉత్సవాలు ఘనంగా నిర్వహించబడ్డాయి. ఈ కార్యక్రమానికి మాజీ శాసన సభ్యుడు విజయపాల్ రెడ్డి ముఖ్య అతిథిగా హాజరై అంబేద్కర్ చిత్రపటానికి పూలమాలలు వేసి నివాళులు అర్పించారు. అనంతరం మాట్లాడుతూ పెద్ద–చిన్న, ఎక్కువ–తక్కువ అనే తేడాలు లేకుండా సమాజాన్ని సమానత్వంతో ముందుకు నడిపించిన మహనీయుడు అంబేద్కర్ అని పేర్కొన్నారు. భిన్నమైన భాషలు, సంస్కృతులు ఉన్న ప్రపంచంలో సమాన హక్కుల కోసం కృషి చేసి బడుగు, బలహీన వర్గాల అభ్యున్నతికి మార్గం చూపిన నాయకుడు అంబేద్కర్ అని కొనియాడారు. ఆయన సిద్ధాంతాలను ఆచరణలో పెట్టి సమాజంలో సమానత్వాన్ని నెలకొల్పేందుకు ప్రతి ఒక్కరూ కృషి చేయాలని పిలుపునిచ్చారు. ఈ కార్యక్రమంలో స్థానిక నాయకులు, కార్యకర్తలు, ప్రజలు పెద్ద సంఖ్యలో పాల్గొన్నారు.