మూడో రోజు ఊపిరాడని ప్రచారంతో ప్రజల్లో ఉత్సాహం

సూర్యాపేట:

సూర్యాపేట మున్సిపల్ ఎన్నికల బరిలో బీఆర్‌ఎస్ పార్టీ దూసుకుపోతోంది. తెలంగాణ రాష్ట్ర తొలి విద్యుత్ శాఖ మంత్రి, సూర్యాపేట నియోజకవర్గ హ్యాట్రిక్ శాసనసభ్యులు గుంటకండ్ల జగదీష్ రెడ్డి ఆదేశాల మేరకు బీఆర్‌ఎస్ పార్టీ 7వ వార్డు అభ్యర్థి ఈద ప్రవీణ్ గెలుపే లక్ష్యంగా మూడో రోజు విస్తృత విజయప్రచారం నిర్వహించారు.ఇంటింటి ప్రచారంలో బీఆర్‌ఎస్ ప్రభుత్వం అమలు చేసిన సంక్షేమ పథకాలు ప్రజల్లో విశ్వాసాన్ని పెంచాయని నాయకులు స్పష్టం చేశారు. అభివృద్ధి లేని మాటలతో ప్రజలను మభ్యపెట్టే పార్టీలకు ఈ ఎన్నికల్లో చోటు లేదని వారు తేల్చిచెప్పారు.వార్డు అభివృద్ధికి స్పష్టమైన కార్యాచరణతో ముందుకు వచ్చే నాయకుడు ఈద ప్రవీణ్ అని, ఆయనను భారీ మెజార్టీతో గెలిపించడమే లక్ష్యంగా బీఆర్‌ఎస్ శ్రేణులు కదిలాయని తెలిపారు.ఈ కార్యక్రమంలో దేశగాని శ్రీనివాస్ గౌడ్, గౌస్, సత్తిరెడ్డి, పెద్ది వెంకన్న గౌడ్, పిడమర్తి విజయ్, దైద క్రిష్ణా, బొమ్మగాని వెంకన్న, గుండు శ్రీనివాస్ గౌడ్, గుండగోని సాయి గౌడ్ తదితర నాయకులు, కార్యకర్తలు పెద్ద సంఖ్యలో పాల్గొన్నారు.