వార్డులోని ప్రతీ ఆడబిడ్డ పెళ్లికి 20,000/- ఆర్థికసహాయం

వార్డులో జన్మించిన ఆడబిడ్డకి వెంటనే 15,000/- ఆర్థిక సహాయం.

వార్డులో ఎవరైనా మరణిస్తే వారి కుటుంబానికి 10,000/- తక్షణ సహాయం.

అందోల్-జోగిపేట మున్సిపల్ ఎన్నికల ప్రచారం తుది దశకు చేరుకుంది. సోమవారం సాయంత్రం 5.00 గంటలకు ప్రచారం ముగియనుంది. ఓటర్లను ఆకర్షించేందుకు ఆయా పార్టీల అభ్యర్థులు సొంత మేనిఫెస్టోలు తయారు చేసుకున్నారు. వీటిలో భాగంగా ఏడవ వార్డు బిఆరెస్ అభ్యర్థి షకీల్ ఖురేషి తన వార్డు ప్రజలకు బంపర్ ఆఫర్ ప్రకటించారు. తనని గెలిపిస్తే వార్డులో ప్రతి ఆడబిడ్డ పెళ్లికి 20వేల రూపాయల ఆర్థిక సహాయం, వార్డులో జన్మించిన ఆడబిడ్డ కుటుంబానికి తక్షణమే 15 వేల ఆర్థిక సహాయం, వార్డులో ఎవరైనా మరణిస్తే వారి కుటుంబానికి 10వేల రూపాయల తక్షణ సహాయం అందజేయడమే కాకుండా వార్డులోని ప్రజలకు 24 గంటలు అందుబాటులో ఉండి ఎటువంటి ఇబ్బంది కలగకుండా చూసుకుంటానని తెలియజేశారు. కారు గుర్తుకు ఓటు వేసి తనని భారీ మెజార్టీతో గెలిపించాలని వార్డు ప్రజలను కోరారు.