రామన్నపేట,

విద్యార్థుల్లో సృజనాత్మకత, వ్యక్తిత్వ వికాసం పెంపొందించేందుకు వెల్లంకి పిఎంఎస్ హెచ్ ఆర్ఐ జెడ్పీహెచ్‌ఎస్ పాఠశాలలో సమ్మర్ క్యాంప్ నిర్వహిస్తున్నట్లు ప్రధానోపాధ్యాయులు తెలిపారు. ఈ నెల 11 నుంచి 25 వరకు ప్రతిరోజూ ఉదయం 8 గంటల నుంచి మధ్యాహ్నం 12 గంటల వరకు క్యాంప్ కొనసాగనుందని పేర్కొన్నారు.

సమ్మర్ క్యాంప్‌లో విద్యార్థులకు స్పోకెన్ ఇంగ్లీష్, ఆర్ట్ అండ్ క్రాఫ్ట్, డ్రాయింగ్, యోగా, భారత స్కౌట్స్ అండ్ గైడ్స్ తదితర అంశాల్లో ప్రత్యేక శిక్షణ ఇవ్వనున్నట్లు తెలిపారు. అలాగే విద్యార్థుల్లో నైపుణ్యాభివృద్ధి, క్రమశిక్షణ, నాయకత్వ లక్షణాల పెంపుకు ఉపయుక్తమైన కార్యక్రమాలు నిర్వహించనున్నట్లు వెల్లడించారు.

ఈ కార్యక్రమంలో పాఠశాల ఉపాధ్యాయులు, విద్యార్థులు పాల్గొనాలని ప్రధానోపాధ్యాయులు కోరారు.