తెలంగాణ రాష్ట్ర పోలీస్ అసోసియేషన్ ఎన్నికల్లో భాగంగా రామన్నపేట సర్కిల్ కానిస్టేబుల్స్ అసోసియేషన్ అధ్యక్షుడిగా ఏ. రామాచారి ఎన్నికయ్యారు. మంగళవారం స్థానిక సీఐ ఎం. రవి ఎన్నికల అధికారిగా వ్యవహరించారు.రామన్నపేట సర్కిల్ పరిధిలోని ఐదు మండలాలకు చెందిన కానిస్టేబుళ్లు ఎన్నికల్లో పాల్గొని, పోటీలో ఉన్న ఐదుగురు అభ్యర్థుల్లో ఏ. రామాచారికి అత్యధిక ఓట్లు వేసి అధ్యక్షుడిగా ఎన్నుకున్నారు.అనంతరం ఎన్నికైన రామాచారిని పోలీస్ సిబ్బంది, మిత్రులు మిర్జా ఇనాయత్ బేగ్, మోటే నరేష్ పూలమాలలు, శాలువాలతో ఘనంగా సన్మానించారు.ఈ సందర్భంగా రామాచారి మాట్లాడుతూ.. కానిస్టేబుళ్ల సంక్షేమానికి ప్రాధాన్యం ఇస్తానని, వారి సమస్యలను పరిష్కరించేందుకు ఎల్లప్పుడూ కృషి చేస్తానని తెలిపారు. తనపై నమ్మకంతో అధ్యక్షుడిగా ఎన్నుకున్న ప్రతి ఒక్కరికీ కృతజ్ఞతలు తెలిపారు.