వలిగొండ మండలంలోని వేములకొండ గ్రామంలో అంగన్వాడి 02 సెంటర్లో అక్షరాభ్యాసం ఈసీసీ డే కార్యక్రమం అంగన్వాడి టీచర్ బొద్రబోయిన శారద ఆధ్వర్యంలో ఘనంగా నిర్వహించారు. ఈ కార్యక్రమానికి ముఖ్య అతిథిగా స్థానిక సర్పంచ్ ఏర్పుల వెంకటేశం, ఉపసర్పంచ్ అంబటి సాయికుమార్ పాల్గొన్నారు. ఈ కార్యక్రమంలో భాగంగా అంగన్వాడి సూపర్వైజర్ బాలమణి మాట్లాడుతూ చిన్నారులను సంప్రదాయ పద్ధతిలో అక్షరాభ్యాసం నిర్వహించాలని పోషకాహారం పై అవగాహన కల్పిస్తూ తల్లి- శిశు ఆరోగ్య పరిరక్షణపై సూచనలు చేశారు. ఈ కార్యక్రమంలో స్థానిక వార్డు మెంబర్లు,గర్భిణీ స్త్రీలు, బాలింతలు, తల్లులు, పిల్లలు, ఆశ వర్కర్లు, అంగన్వాడి ఆయా తదితరులు పాల్గొన్నారు.