సంగారెడ్డి జిల్లా సదాశివపేట సమీపంలోని వెంకటాపూర్ గ్రామంలో స్వయంభువుగా వెలసిన శ్రీ పద్మావతి సమేత అద్భుత వెంకటేశ్వర స్వామి చతుర్థ వార్షిక బ్రహ్మోత్సవాల సందర్భంగా రాష్ట్ర కాంగ్రెస్ నాయకులు పులిమామిడి రాజును ఆలయ కమిటీ సభ్యులు మర్యాదపూర్వకంగా ఆహ్వానించారు. ఈ సందర్భంగా ఆలయ నిర్వాహకులు పూలమాలలు వేసి శాలువాతో సత్కరించి బ్రహ్మోత్సవాల ఆహ్వాన పత్రికను అందజేశారు. మే 5 నుండి 8 వరకు బ్రహ్మోత్సవాలు భక్తిశ్రద్ధలతో నిర్వహించనున్నట్లు తెలిపారు. మే 7 గురువారం ఉదయం 11 గంటలకు శ్రీవారి కళ్యాణోత్సవం, సాయంత్రం 4 గంటలకు సదాశివపేట పట్టణం నుండి వెంకటాపూర్ ఆలయం వరకు స్వామివారి దివ్య విమాన రథోత్సవం ఘనంగా నిర్వహించబడుతుందని పేర్కొన్నారు. ఈ వేడుకలకు భక్తులు పెద్ద సంఖ్యలో పాల్గొనాలని ఆలయ అధ్యక్షులు చిల్వేరి వెంకటేశం కోరారు. ఈ సందర్భంగా పులిమామిడి రాజు మాట్లాడుతూ ఆధ్యాత్మిక కార్యక్రమాలు సమాజంలో ఐక్యతను పెంపొందిస్తాయని, బ్రహ్మోత్సవాలు విజయవంతం కావాలని ఆకాంక్షించారు. కార్యక్రమంలో ఆలయ కమిటీ సభ్యులు పండల జగదీశ్వర్ పంతులు, షోలాపురం రాజు, తాటికొండ నాగనాథ్, సుధాకర్, మల్లారెడ్డి, భాస్కర్, లక్ష్మణ్ తదితరులు పాల్గొన్నారు.