వట్టిపల్లి మండలంలోని మేడికుంద గ్రామంలో నేడు ఉపాధి హామీ పనులు నిర్వహిస్తున్న కార్మికుల కోసం విశ్రాంతి సమయంలో ఇబ్బందులు లేకుండా ఉండేలా నీడనిచ్చే టాపర్‌తో పాటు చల్లని తాగునీటి సౌకర్యం ఏర్పాటు చేశారు. మండుతున్న ఎండలను దృష్టిలో ఉంచుకుని కార్మికుల ఆరోగ్యం, సౌకర్యాలను ప్రాధాన్యంగా తీసుకుని ఈ ఏర్పాట్లు చేయడం పట్ల ఉపాధి హామీ కార్మికులు ఆనందం వ్యక్తం చేస్తూ, ఈ సౌకర్యం కల్పించిన గ్రామ సర్పంచ్, కార్యదర్శి, ఫీల్డ్ అసిస్టెంట్‌కు హృదయపూర్వక ధన్యవాదాలు తెలిపారు. గ్రామ పంచాయతీ చేపట్టిన ఈ చర్యలు కార్మిక సంక్షేమానికి ఆదర్శంగా నిలుస్తున్నాయని స్థానికులు అభిప్రాయపడ్డారు.