గ్రామ అభివృద్ధి ప్రతి గ్రామస్తుడి బాధ్యత

ఉన్న ఊరు కన్నతల్లితో సమానం.. గ్రామ అభివృద్ధి ప్రతి గ్రామస్తుడి బాధ్యత” అని వెల్లంకి సర్పంచ్ ఈడెం రాధా శ్రీనివాస్ పేర్కొన్నారు. 2026 జనగణన నేపథ్యంలో గ్రామ ప్రజలకు ఆయన ప్రత్యేక విజ్ఞప్తి చేశారు.

గ్రామ జనాభా ఆధారంగా కేంద్ర, రాష్ట్ర ప్రభుత్వాలు అభివృద్ధి నిధులు కేటాయిస్తాయని తెలిపారు. ఉద్యోగాలు, వ్యాపారాలు, విద్య తదితర కారణాలతో ఇతర పట్టణాల్లో నివసిస్తున్న గ్రామస్తులు అక్కడి చిరునామాలను జనగణనలో నమోదు చేయడం వల్ల గ్రామానికి రావాల్సిన నిధుల్లో కోత పడే అవకాశం ఉందన్నారు.

అందువల్ల ఆన్‌లైన్ లేదా ప్రత్యక్షంగా జనగణనలో పాల్గొనేటప్పుడు తమ స్వగ్రామం వెల్లంకి అని నమోదు చేయించాలని కోరారు. ఇలా చేయడం ద్వారా గ్రామానికి మరిన్ని అభివృద్ధి నిధులు వచ్చే అవకాశం ఉంటుందని తెలిపారు.

గ్రామాభివృద్ధి కోసం ప్రతి గ్రామస్తుడు బాధ్యతగా వ్యవహరించి జనగణనలో సహకరించాలని సర్పంచ్ ఈడెం రాధా శ్రీనివాస్ విజ్ఞప్తి చేశారు.