నారాయణఖేడ్ నియోజకవర్గంలోని నారాయణఖేడ్ మండల పరిధిలో ఉన్న తూర్కపల్లి ప్రాథమిక ఆరోగ్య కేంద్రాన్ని నారాయణఖేడ్ సబ్‌ కలెక్టర్ ఎన్. ఉమా హారతి ఆకస్మికంగా తనిఖీ చేశారు. ఈ సందర్భంగా ఆసుపత్రిలోని వివిధ విభాగాలను పరిశీలించి, రోగులకు అందుతున్న వైద్య సేవలు, సిబ్బంది హాజరు, మందుల లభ్యత, ఆసుపత్రి పరిసరాల పరిశుభ్రత తదితర అంశాలను పరిశీలించారు.అలాగే ఆసుపత్రికి వచ్చే రోగులకు ఎలాంటి ఇబ్బందులు కలగకుండా మెరుగైన వైద్య సేవలు అందించాలని సిబ్బందికి సూచించారు. ప్రజలకు అందుబాటులో ఉండే విధంగా ఆరోగ్య సేవలను మరింత సమర్థవంతంగా అందించాలని, ఆసుపత్రిలో పరిశుభ్రతను నిరంతరం పాటించాలని అధికారులను ఆదేశించారు. ఈ సందర్భంగా సబ్‌ కలెక్టర్ మాట్లాడుతూ ప్రభుత్వ ఆసుపత్రుల ద్వారా ప్రజలకు నాణ్యమైన వైద్యం అందేలా అధికారులు, సిబ్బంది బాధ్యతగా పనిచేయాలని సూచించారు.