తిరుమలగిరి: తల్లిపాలు ఇవ్వడం వల్ల పసికందుల్లో వ్యాధి నిరోధక శక్తి పెరుగుతుందని, తల్లిపాలే వారికి తొలి రక్షణ కవచమని వైద్యాధికారి రవి తెలిపారు. తల్లిపాల వారోత్సవాలను పురస్కరించుకుని తిరుమలగిరి మండలం మామిడాల అంగన్‌వాడీ కేంద్రంలో అవగాహన కార్యక్రమం నిర్వహించారు.

ఈ సందర్భంగా ఆరోగ్య సేవా ప్రదాత (ఎం.ఎల్.హెచ్.పి) రవి మాట్లాడుతూ.. బిడ్డ పుట్టిన గంటలోపే ముర్రుపాలు తప్పనిసరిగా పట్టించాలని సూచించారు. తల్లిపాలు బిడ్డల శారీరక, మానసిక ఎదుగుదలకు ఎంతగానో దోహదపడతాయని తెలిపారు. బాలింతలకు కుటుంబ సభ్యులు తగిన ప్రోత్సాహం అందించాలని కోరారు. ఈ కార్యక్రమంలో గ్రామ బొడ్డు సర్పంచ్ సైదులు,కార్యదర్శి మధు, మండల పరిషత్ ప్రాథమికోన్నత పాఠశాల ప్రధానోపాధ్యాయులు డి.అనిత,అంగన్‌వాడీ ఉపాధ్యాయురాలు రమాదేవి,ఆరోగ్య కార్యకర్త యశోద, వార్డు సభ్యులు, ఆశా కార్యకర్తలు మణెమ్మ, విజయలక్ష్మి,మార్కు, గర్భిణులు, బాలింతలు, గ్రామస్థులు పాల్గొన్నారు.