స్వామి వివేకానంద విగ్రహానికి పూలమాలవేసి ఘనంగా నివాళులు

-భువనగిరి ఎమ్మెల్యే కుంభం అనిల్ కుమార్ రెడ్డి,

-జిల్లా కలెక్టర్ హనుమంత రావు,జిల్లా గ్రంథాలయ ఛైర్మన్ ఆవేస్ చిస్తి

స్థానికం:యాదాద్రి భువనగిరి జిల్లా బ్యూరో జి.శ్రీనివాస్

జాతీయ యువజన దినోత్సవం 2026 స్వామి వివేకానంద జయంతిని పురస్కరించుకొని పూల మాల వేసి ఘనంగా నివాళులు అర్పించారు. సోమవారం భువనగిరి పట్టణలోని వివేకానంద విగ్రహం దగ్గర ఏర్పాటు చేసిన కార్యక్రమానికి ముఖ్య అతిథులుగా భువనగిరి శాసనసభ్యులు కుంభం అనిల్ కుమార్ రెడ్డి,యాదాద్రి భువనగిరి జిల్లా కలెక్టర్ హనుమంత రావు,జిల్లా గ్రంథాలయ ఛైర్మన్ ఆవేస్ చిస్తి హాజరయ్యారు.భువనగిరి శాసనసభ్యులు కుంభం అనిల్ కుమార్ రెడ్డి మాట్లాడుతూ...స్వామి వివేకానంద భారత దేశంలో రామకృష్ణ మఠాన్ని స్థాపించి దీని ద్వారా భారత యువతకు దిశా నిర్దేశం చేశారు,అతను చేసిన సేవలకు గుర్తింపుగా 1984 లో భారత ప్రభుత్వం ఆయన జన్మదినాన్ని "జాతీయ యువజన దినోత్సవం"గా ప్రకటించింది. వివేకానందుడు చిన్నప్పటి నుంచే రోజూ ధ్యానం చేసేవాడని,బాలుడిగా ఉన్నపుడు నరేంద్రుడు చాలా ఉల్లాసంగా,చిలిపిగా ఉండేవాడు. యువకులు అందరూ స్వామి వివేకానందను ఆదర్శంగా తీసుకోవాలన్నారు.జిల్లా కలెక్టర్ హనుమంతురావు మాట్లాడుతూ...స్వామి వివేకానంద ఆటలలోనూ,చదువులో ముందుండేవాడని,పాఠాన్ని ఒకసారి చదివితే మొత్తం గుర్తుంచుకునేవాడు అతని జ్ఞాపకశక్తి అమోఘమైనదని యువతకు స్వామి వివేకానంద ఏన్నో ప్రభోదలు చేసి ఆ ప్రబోధాలు యువతను అలవర్చుకోవాలన్నారు.జిల్లా యువజన మరియు క్రీడాల అదికారి ధనంజనేయులు మాట్లాడుతూ...స్వామి వివేకానంద గొప్ప తత్వవేత్తలలో ఒకరైన స్వామి వివేకానంద జీవితం,బోధనలను గౌరవించడానికి భారత దేశం ఈ రోజు జాతీయ యువజన దినోత్సవాన్ని జరుపుకుంటుంది. అత్యున్నత లక్ష్యానికి జీవితానాంత ధారపోయామని సందేశాన్నిచ్చిన్న సంస్కరణవాది, దేశ ప్రతిష్టను విశ్వవ్యాప్తం చేసిన విశ్వమానవుడు వివేకానందుని మార్గం అందరికీ ఆదర్శం అని అన్నారు.ఈ కార్యక్రమంలో మార్కెట్ కమిటీ చైర్మన్ రేఖ బాబురావు,మున్సిపల్ కమిషనర్ రామలింగం,జిల్లా యువజన మరియు క్రీడల అదికారి ధనంజనేయులు,ఎస్.సి కార్పొరేషన్ ఈ.డీ శ్యామ్ సుందర్,జిల్లా యువజన సంఘం నాయకుడు కరుణ్,జిల్లాలోని ప్రజా ప్రతినిధులు,అధికారులు,యువతీ యువకులు క్రీడా సంఘాల ప్రతినిధులు,కార్యాలయ సిబ్బంది తదితరులు పాల్గొన్నారు.