చిట్యాల, జూలై 11: శ్రీ భవాని కుమ్మరి సంఘం గౌరవ అధ్యక్షుడు తాడూరు చంద్రం ఇటీవల అనారోగ్యానికి గురై చికిత్స అనంతరం ఇంటి వద్ద విశ్రాంతి తీసుకుంటున్నారు. ఈ నేపథ్యంలో సంఘం సభ్యులు, కార్యవర్గ ప్రతినిధులు శనివారం ఆయన నివాసానికి వెళ్లి మర్యాదపూర్వకంగా పరామర్శించారు.

ఈ సందర్భంగా చంద్రం ఆరోగ్య పరిస్థితిపై ఆరా తీసిన సంఘం నాయకులు, త్వరగా పూర్తిస్థాయిలో కోలుకోవాలని ఆకాంక్షించారు. ఆయన ఆరోగ్యం ప్రస్తుతం మెరుగుపడుతోందని కుటుంబ సభ్యుల ద్వారా తెలుసుకుని సంతోషం వ్యక్తం చేశారు. సంఘం అభివృద్ధికి తాడూరు చంద్రం అందిస్తున్న సేవలు చిరస్మరణీయమని కొనియాడారు.

అనారోగ్య సమయంలో ధైర్యంగా ఉండాలని, అవసరమైన సహాయ సహకారాలు అందించేందుకు సంఘం ఎల్లప్పుడూ అండగా ఉంటుందని సభ్యులు భరోసా ఇచ్చారు. సంఘం సభ్యుల ఆప్యాయ పరామర్శకు తాడూరు చంద్రం కృతజ్ఞతలు తెలిపారు.ఈ కార్యక్రమంలో శ్రీ భవాని కుమ్మరి సంఘం కార్యవర్గ సభ్యులు, నాయకులు, అభిమానులు పాల్గొన్నారు.