స్థానికం ప్రతినిధి కొండ మల్లేశం గౌడ్

యాదాద్రి భువనగిరి జిల్లా రామన్నపేట మండలంలోని బోగారం గ్రామంలో బీఆర్‌ఎస్ అభ్యర్థి కునూరు సాయికుమార్ గౌడ్ ప్రచారం ఉత్సాహభరిత వాతావరణంలో కొనసాగింది. గ్రామంలో సాయికుమార్‌కు ప్రజలు భారీగా స్పందిస్తూ స్వాగతం పలికారు. మహిళలు మంగళనిరాజనం చేసి ఆహ్వానించగా, యువత హర్షధ్వానాలతో ఉత్సాహాన్ని మరింత పెంచారు.

ప్రచార కార్యక్రమంలో గ్రామంలోని ప్రతి వర్గానికి చెందిన ప్రజలు పాల్గొని కుల మతాలకు అతీతంగా అభ్యర్థిని గెలిపించేందుకు సమైక్యంగా కృషి చేస్తామని ప్రకటించారు. గ్రామ వీధుల్లో డోర్‌టూ–డోర్ ప్రచారం, సమావేశాలు, ప్రజా కలయిక కార్యక్రమాలు జోరుగా జరిగాయి.

ఈ కార్యక్రమంలో మాజీ సర్పంచ్ అంతరి పద్మా, రమేష్ గౌడ్ తదితర నాయకులు పాల్గొని ప్రజలతో మాట్లాడారు. గ్రామ అభివృద్ధి, సంక్షేమ కార్యక్రమాల కోసం సాయికుమార్‌ను విజయం సాధింపజేయాలని వారు కోరారు.