కేటగిరీల వారీగా కటాఫ్‌ మార్కుల ప్రకటన.. తొలి ఐదు ర్యాంకులు బాలురకే.

హైదరాబాద్:

తెలంగాణ నీట్‌ యూజీ–2026 స్టేట్‌ ర్యాంకులను కాళోజీ ఆరోగ్య విశ్వవిద్యాలయం విడుదల చేసింది. కేటగిరీల వారీగా కటాఫ్‌ మార్కులను కూడా ప్రకటించింది. అభ్యర్థులు అధికారిక వెబ్‌సైట్‌లో తమ స్టేట్‌ ర్యాంకులు, కటాఫ్‌ వివరాలను పరిశీలించవచ్చు.

ఆల్‌ ఇండియా నీట్‌ యూజీలో 13వ ర్యాంకు సాధించిన వీరయ్యగారి సహ్యూక్‌ తెలంగాణ స్టేట్‌ ఫస్ట్‌ ర్యాంకును సొంతం చేసుకున్నాడు. తొలి ఐదు స్టేట్‌ ర్యాంకులను బాలురు కైవసం చేసుకోగా, ఆరో, ఏడో ర్యాంకుల్లో బాలికలు నిలిచి ప్రతిభ చాటారు.

స్టేట్‌ ర్యాంకుల విడుదలతో రాష్ట్రంలో ఎంబీబీఎస్‌, బీడీఎస్‌ తదితర వైద్య కోర్సుల ప్రవేశాల కౌన్సెలింగ్‌ ప్రక్రియకు మార్గం సుగమమైంది. విద్యార్థులు తదుపరి షెడ్యూల్‌కు సంబంధించిన వివరాలను కాళోజీ విశ్వవిద్యాలయం అధికారిక వెబ్‌సైట్‌లో తెలుసుకోవాలని అధికారులు సూచించారు.