సంగారెడ్డి జిల్లా స్థానిక ప్రతినిధి :సంగారెడ్డి జిల్లా పర్యటనకు చేరిన తెలంగాణ రాష్ట్ర ఎస్సీ-ఎస్టీ కమిషన్ చైర్మన్ బక్కి వెంకటయ్య ఈరోజు హైదరాబాద్ నుండి ఉదయం 10:30కి కోహిర్ మండలం సజ్జపూర్ గ్రామానికి చేరి స్థానికులైన బ్యాగరి రాములకు నష్టపరిహారం పంపిణీ చేశారు. అనంతరం ఉదయం 11 గంటలకు జహీరాబాద్ మండలం సోషల్ వెల్ఫేర్ రెసిడెన్షియల్ గర్ల్స్ జూనియర్ కళాశాలను సందర్శించారు. మధ్యాహ్నం 2 గంటలకు సంగారెడ్డి కలెక్టరేట్‌లో నిర్వహించిన జిల్లా స్థాయి సమీక్ష సమావేశంలో భూ సమస్యలు, అట్రాసిటీ కేసులు, ఎస్సీ-ఎస్టీలకు సంబంధించిన ఆర్.ఓ.ఆర్ అమలు, బ్యాక్లాగ్ ఖాళీలు తదితర అంశాలపై చర్చ జరగింది. ఈ సమావేశంలో డివిఎంసి సభ్యులు, జిల్లా అధికారులు, తాసిల్దార్లు, ఎంపీడీవోలు, డిసిఒలు, ఆర్.సి.ఓలు, సంగారెడ్డి-జహీరాబాద్ మున్సిపల్ కమిషనర్లు, అసిస్టెంట్ పబ్లిక్ ప్రాసిక్యూటర్లు, దళిత సంఘాల నాయకులు తదితరులు పాల్గొన్నారు.