నిర్నెముల ‘నో హెల్మెట్ – నో ఎంట్రీ’ ప్రచారం

యాదాద్రి భువనగిరి జిల్లా రామన్నపేట మండలంలోని నిర్నెముల గ్రామంలో రోడ్డు భద్రతపై అవగాహన పెంపొందించేందుకు గ్రామ యువకులు సోషల్ మీడియాలో విస్తృత ప్రచారం చేపట్టారు. గ్రామంలో హెల్మెట్ ధరించని వారికి ప్రవేశం నిరాకరించాలనే సందేశంతో పోస్టర్లు, స్టేటస్‌లను షేర్ చేస్తూ ప్రజల్లో చైతన్యం కల్పిస్తున్నారు.

సర్పంచ్ కంది మల్ల గోపాల్ రెడ్డి పాలకవర్గం ఆధ్వర్యంలో నిర్వహిస్తున్న ఈ కార్యక్రమంలో “హెల్మెట్ లేకుంటే గ్రామంలో ప్రవేశం లేదు” అనే నినాదంతో యువత ముందుకు వచ్చి వినూత్నంగా ప్రచారం చేస్తున్నారు. ఈ సందర్భంగా వారు రోడ్డు ప్రమాదాల నివారణకు హెల్మెట్ వినియోగం తప్పనిసరి అని పేర్కొన్నారు.

గ్రామంలో ప్రతి ఒక్కరు హెల్మెట్ ధరించాలని, కుటుంబాల భద్రత కోసం ఈ నియమాన్ని కచ్చితంగా పాటించాలని కోరారు. ఈ కార్యక్రమానికి గ్రామ ప్రజలు మంచి స్పందన చూపుతున్నారు.