నారాయణఖేడ్ నియోజకవర్గ కేంద్రానికి విచ్చేసిన తెలంగాణ రాష్ట్ర ప్రభుత్వ ప్రత్యేక ప్రధాన కార్యదర్శి కే. రామకృష్ణారావుకు నారాయణఖేడ్ మున్సిపల్ చైర్మన్ నాగేష్ కుమార్ షేట్కార్ ఘన స్వాగతం పలికారు. తమ బంధువుల వివాహ వేడుకలో పాల్గొనేందుకు నారాయణఖేడ్‌కు వచ్చిన ఆయనను పట్టణంలోని మహా ఫంక్షన్ హాల్‌లో చైర్మన్ పుష్పగుచ్ఛం అందజేసి మర్యాదపూర్వకంగా ఆహ్వానించారు. అనంతరం నియోజకవర్గంలోని అభివృద్ధి పనులు, పట్టణ ప్రస్తుత పరిస్థితులు, భవిష్యత్ అభివృద్ధి కార్యక్రమాలపై పరస్పరం చర్చించారు. రాష్ట్ర స్థాయి ఉన్నతాధికారి మన ప్రాంతాన్ని సందర్శించడం పట్ల హర్షం వ్యక్తం చేసిన చైర్మన్, ప్రాంత అభివృద్ధికి ప్రభుత్వ సహకారం మరింత అందాలని ఆకాంక్షించారు. ఈ కార్యక్రమంలో మున్సిపల్ కౌన్సిలర్లు వివేకానంద మహేందర్, లక్ష్మణ్, చంద్రశేఖర్, అప్పారావు, కొండల్ రెడ్డి, స్థానిక ప్రజాప్రతినిధులు, నాయకులు మరియు ఇతర ప్రముఖులు పాల్గొన్నారు.