కాంగ్రెస్ అధిష్టానానికి పెద్దగోని మౌనిక గౌడ్ విజ్ఞప్తి

మునుగోడు శాసనసభ్యులు కోమటిరెడ్డి రాజగోపాల్ రెడ్డికి మంత్రి పదవి ఇవ్వాలని యువజన కాంగ్రెస్ రాష్ట్ర ప్రధాన కార్యదర్శి పెద్దగోని మౌనిక గౌడ్ కాంగ్రెస్ అధిష్టానానికి విజ్ఞప్తి చేశారు. రాజకీయ ప్రస్థానం ప్రారంభించినప్పటి నుండి ఆయన ప్రజా సమస్యలపై నిరంతరం పోరాడుతూ ప్రజానాయకుడిగా ఎదిగారని గురువారం ఒక ప్రకటనలో పేర్కొన్నారు.​గ్రామస్థాయి సమస్యలను తెలుసుకుని పరిష్కారానికి కృషి చేయడంలోనూ, ఆపదలో ఉన్నవారిని ఆదుకోవడంలోనూ తెలంగాణలోనే రాజగోపాల్ రెడ్డి మొదటి వరుసలో ఉంటారని కొనియాడారు. గత బీఆర్ఎస్ పాలనలో జరిగిన అవినీతిపై ధైర్యంగా గళమెత్తిన నాయకుడు ఆయనేనని గుర్తుచేశారు.​పేదలకు ఆపద్బాంధవుడు.. రాష్ట్రవ్యాప్తంగా యువతకు, పేద ప్రజలకు ఆపద్బాంధవుడిగా రాజగోపాల్ రెడ్డి గుర్తింపు తెచ్చుకున్నారని మౌనిక గౌడ్ తెలిపారు. నిరంతరం పార్టీ బలోపేతానికి శ్రమిస్తున్న ఆయనకు మంత్రి పదవి ఇస్తే కాంగ్రెస్ పార్టీకి మరింత బలం చేకూరుతుందని, ఈ విషయాన్ని అధిష్టానం పరిశీలించాలని ఆమె కోరారు.