కరాటే లో గిన్నిస్ బుక్ ఆఫ్ వరల్డ్ రికార్డు సాధించిన కోదాడకు చెందిన కరాటే మాస్టర్ ఎ. సహదేవ్ ను ఎమ్మెల్యే పద్మావతి ఉత్తమ్ ఆదివారం కోదాడలో అభినందించారు. ఈ సందర్భంగా ఆయనకు ప్రశంసాపత్రాన్ని అందించి శుభాకాంక్షలు తెలిపారు. కోదాడ ఖ్యాతిని అంతర్జాతీయ స్థాయికి తీసుకెళ్లిన సహదేవ్ అభినందనీయుడని కొనియాడారు. భవిష్యత్తులో మరింత మంది ప్రతిభావంతులైన క్రీడాకారులను తీర్చిదిద్ది కోదాడకు మరిన్ని విజయాలు తీసుకురావాలని ఆకాంక్షించారు.