రామన్నపేట, : అఖిల భారత కాంగ్రెస్ కమిటీ అగ్రనేత, లోక్‌సభ ప్రధాన ప్రతిపక్ష నాయకుడు రాహుల్ గాంధీ జన్మదినాన్ని పురస్కరించుకుని శుక్రవారం సిరిపురం గ్రామంలో విద్యార్థులకు విద్యా సామగ్రి పంపిణీ చేశారు.

యువజన కాంగ్రెస్ నకిరేకల్ నియోజకవర్గ ఉపాధ్యక్షుడు పున్న అమరేందర్ ఆధ్వర్యంలో నిర్వహించిన కార్యక్రమంలో ప్రభుత్వ పాఠశాల, అంగన్‌వాడీ కేంద్రంలోని విద్యార్థులకు నోట్‌బుక్స్, పెన్నులు, పలకలు అందజేశారు. విద్యార్థులు విద్యలో రాణించి ఉన్నత స్థాయికి చేరుకోవాలని నాయకులు ఆకాంక్షించారు.

ఈ కార్యక్రమంలో యువజన కాంగ్రెస్ నాయకులు అప్పం గోయల్, మాజీ సర్పంచ్ అప్పం లక్ష్మీనర్సు, మాజీ వార్డు సభ్యులు పున్న వెంకటేశం, గుండు శాంతికుమార్, బొమ్మ గణేష్ తదితరులు పాల్గొన్నారు.