నల్లగొండ పట్టణంలోని ఎస్‌ఎల్‌బీసీ ప్రాంతంలో ఉన్న పెజ్జోని బ్లూమింగ్ బడ్స్ పాఠశాల పునఃప్రారంభ కార్యక్రమం శుక్రవారం ఘనంగా జరిగింది. ఈ కార్యక్రమానికి నగర మేయర్ బుర్రి చైతన్య శ్రీనివాస్ రెడ్డి, నల్లగొండ బిషప్ శ్రీకరణం ధమన్ ముఖ్య అతిథులుగా హాజరై పాఠశాలను ప్రారంభించారు.

ఈ సందర్భంగా మేయర్ బుర్రి చైతన్య శ్రీనివాస్ రెడ్డి మాట్లాడుతూ, ఫాదర్ పెజ్జోని స్థాపించిన సంస్థ విద్యా, సేవా రంగాల్లో అందిస్తున్న సేవలను కొనియాడారు. ఆ సేవా కార్యక్రమాలను సమర్థవంతంగా కొనసాగిస్తున్న ఎఫ్‌ఎస్‌ఐ సిస్టర్స్‌ను అభినందించారు. పాఠశాల ద్వారా పరిసర ప్రాంతాల చిన్నారులకు నాణ్యమైన విద్య అందించి వారి బంగారు భవిష్యత్తుకు బాటలు వేయాలని ఆకాంక్షించారు.

కార్యక్రమంలో మాజీ మున్సిపల్ చైర్మన్ బుర్రి శ్రీనివాస్ రెడ్డి, డిప్యూటీ మేయర్ మహ్మద్ అష్రఫ్ అలీ తదితరులు పాల్గొన్నారు.