దేశవ్యాప్తంగా పీఎం స్వనిధి పథకంపై అవగాహన పెరుగుతోంది. చిన్న వ్యాపారులు, రోడ్డు పక్క వ్యాపారులు ఈ పథకాన్ని వినియోగించుకునేందుకు ముందుకు వస్తున్నారు.

ఈ పథకం ద్వారా బ్యాంకు గ్యారంటీ లేకుండా సులభంగా రుణాలు పొందే అవకాశం కల్పించడంతో వ్యాపారులకు పెద్ద ఊరట లభిస్తోంది. మొదటి విడతలో ₹10 వేల నుంచి ₹15 వేల వరకు, రెండో విడతలో ₹20 వేల నుంచి ₹25 వేల వరకు, మూడో విడతలో ₹50 వేల వరకు రుణ సదుపాయం అందుతోంది.

సమయానికి రుణాలు చెల్లించే వారికి 7 శాతం వడ్డీ సబ్సిడీ, డిజిటల్ లావాదేవీలు చేస్తే క్యాష్‌బ్యాక్ వంటి ప్రోత్సాహకాలు కూడా లభిస్తున్నాయి.

పట్టణ, అర్ధ పట్టణ ప్రాంతాల్లో పండ్లు, టీ స్టాల్స్, చిన్న వ్యాపారాలు చేసే వారు ఈ పథకం ద్వారా లబ్ధి పొందుతున్నారు.

ఈ పథకం 2030 వరకు అమల్లో ఉండడంతో మరింత మంది లబ్ధిదారులు చేరే అవకాశం ఉందని అధికారులు భావిస్తున్నారు.

ఈ కార్యక్రమంలో ఎంపీడీఓ రాములు, లీడ్ బ్యాంకు మేనేజర్ కె. శివ రామకృష్ణ, మెప్మా డీఎంసీ రమేష్, ఏపీఎం జానీ, రా మన్నపేట సర్పంచ్ గరిక సత్యనారాయణ, పట్టణ బ్యాంకు బ్రాంచ్ మేనేజర్లు, వీధి వ్యాపారులు తదితరులు పాల్గొన్నారు.