రామన్నపేట

పాఠశాలలు, వసతి గృహాల్లో అవసరమైన మరమ్మతులను గుర్తించి వేసవి సెలవుల్లో పనులు పూర్తి చేయాలని స్థానిక సంస్థల అదనపు కలెక్టర్ భాస్కర్‌రావు అధికారులను ఆదేశించారు.

మండల పర్యటనలో భాగంగా ఎస్సీ బాలుర హాస్టల్‌ను సందర్శించిన ఆయన మరమ్మతుల అవసరాలను గుర్తించాలని సూచించారు. అనంతరం జనంపల్లి రెసిడెన్షియల్ కళాశాలను పరిశీలించి ప్రిన్సిపాల్ గైర్హాజరుపై అసంతృప్తి వ్యక్తం చేశారు.

మండల పరిషత్ కార్యాలయంలో నిర్వహించిన సమీక్ష సమావేశంలో ధాన్యం కొనుగోలు కేంద్రాల్లో రైతులకు త్రాగునీరు, టెంట్లు వంటి సౌకర్యాలు కల్పించాలని, కొనుగోళ్లు పారదర్శకంగా నిర్వహించాలని ఆదేశించారు. వేసవిలో తాగునీటి సరఫరా నిరంతరం కొనసాగించాలని చెప్పారు.

ఇందిరమ్మ ఇళ్ల పనులను త్వరగా పూర్తి చేయాలని, ఉపాధి హామీ చెల్లింపులపై దృష్టి పెట్టాలని సూచించారు. కార్యక్రమంలో తాసిల్దార్ లాల్ బహుదూర్,ఎంపీడీవో రాములు, ఎంపీఓ రాహుఫ్ అలీ, సంబంధిత అధికారులు పాల్గొన్నారు.