యాదాద్రి భువనగిరి జిల్లా రామన్నపేట మండలం నిదానపల్లి గ్రామంలో వెలసిన శ్రీ భ్రమరాంబ మల్లికార్జున స్వామి ఆలయం (చిన్న శ్రీశైలం)లో ప్రతి అమావాస్య సందర్భంగా స్వామివారి మాస కళ్యాణోత్సవాన్ని వైభవంగా నిర్వహిస్తున్నట్లు ఆలయ నిర్వాహకులు తెలిపారు.

సిద్ధాంతి బేతోజు సత్యనారాయణ శాస్త్రి, అర్చకులు బేతోజు శశిధర్ దీక్షితుల ఆధ్వర్యంలో నిర్వహించే ఈ కార్యక్రమంలో భక్తులు పెద్ద సంఖ్యలో పాల్గొంటున్నారని పేర్కొన్నారు. ఈ నెల అమావాస్య సందర్భంగా సోమవారం సాయంత్రం స్వామివారి సన్నిధిలో ప్రత్యేక పూజలు, కళ్యాణ మహోత్సవం నిర్వహించనున్నట్లు తెలిపారు.

అనంతరం భక్తులకు అన్నప్రసాద వితరణ కార్యక్రమం ఉంటుందని, భక్తులు అధిక సంఖ్యలో హాజరై స్వామివారి ఆశీస్సులు పొందాలని కోరారు. కార్యక్రమంలో భాగస్వాములు కావాలనుకునే వారు 9666335402 నంబర్‌ను సంప్రదించాలని సూచించారు.