ప్రజా పాలన – ప్రగతి ప్రణాళిక కార్యక్రమంలో భాగంగా పట్టణ పరిధిలో గురువారం జరిగిన వార్డు (డివిజన్) సభలు “తూతూ మంత్రం”గా మిగిలిపోయాయని”, వాటి ద్వారా ప్రజా ప్రయోజనం ఏమీ లేదని సిపిఎం పట్టణ కార్యదర్శి దండంపల్లి సత్తయ్య మండిపడ్డారు. ఈ సభలు కాంగ్రెస్ పార్టీ ప్రచార ఆర్వాటం కోసమే తప్ప, ప్రజలకు ఎలాంటి నిజమైన ఉపయోగం లేదనిఆయన స్పష్టం చేశారు. కార్యక్రమం కేవలం “సొంత డబ్బా కొట్టుకోవడం, ప్రచారం చేసుకోవడం”గా మారిపోయిందని సిపిఎం ఆరోపించింది.

సిపిఎం నాయకులు వివిధ డివిజన్లలో జరిగిన వార్డు సభల్లో పాల్గొని, ప్రస్తుత సమస్యలపై దరఖాస్తులు, వినతులు సమర్పించారు. పట్టణంలోని 11వ డివిజన్‌లో పాల్గొన్న దండంపల్లి సత్తయ్య, అక్కడ పేవ్మెంట్ రోడ్లు నిర్మించిన చోట డ్రైనేజీ వ్యవస్థ లేకపోవడంతో ఇండ్ల మధ్య నీరు చిక్కుకొని, దుర్గంధం వ్యాపిస్తున్న పరిస్థితినిసీరియస్‌గా లేవనెత్తారు. ప్రజలు ఇంట్లోనే తీవ్ర అసౌకర్యానికి గురవుతున్నారని, వెంటనే సరైన డ్రైనేజీ నిర్మాణం చేపట్టాలని డిమాండ్ చేశారు.

అర్బన్ కాలనీ గ్రౌండ్లో ప్రహరీ గోడ నిర్మాణం, వాకింగ్ ట్రాక్ ఏర్పాటు, ప్రస్తుతం ఉన్న ప్రాథమిక ఆరోగ్య కేంద్ర సబ్‌సెంటర్కు రెగ్యులర్‌గా వైద్యులు వచ్చేలా ఏర్పాటు చేయాలని కోరారు. కతాల్ గూడెం–మామిల్ల గూడెంస్మశాన్‌వాటికలకు ప్రహరీ గోడలు, దహన వాటికలు మొదలైన మౌలిక సదుపాయాలు కల్పించాలని పటిష్టంగా సూచించారు. సర్వాయి పాపన్న విగ్రహం నుంచి మెగాసిటీ, అర్బన్ కాలనీ గుండా మామిళ్లగూడెం ఈదమ్మ గుడి వరకు ఉన్న పురాతన నక్ష దారి ఆక్రమణకు గురైందని సర్వే చేసి హద్దులు స్పష్టం చేసి రోడ్డు నిర్మాణానికి చర్యలు తీసుకోవాలని కోరారు. దీని ద్వారా అర్బన్ కాలనీ డ్రైనేజీ నీరు స్వేచ్ఛగా పోవడానికి వీలు కలుగుతుందని పేర్కొన్నారు.

ప్రభుత్వ స్థలాలు, గ్రామ కంఠం భూముల్లో నిర్మించుకున్న ఇండ్లకు “ఓల్డ్ ఆఫ్ ద ప్రాపర్టీ” అని ఇంటి యజమాని పేరు లేకుండా ఇంటి నెంబర్ ఇస్తున్న పద్ధతిసరైనది కాదని, ఇంటి టాక్స్ సాదా బైనామీ పద్ధతిలో వేసి, ప్రస్తుతం ఉంటున్న యజమాని పేరుతో ఇంటి నెంబర్ ఇవ్వాలని పటిష్టంగా డిమాండ్ చేశారు. ఖాతాల గూడప్రాథమిక పాఠశాలను ప్రాథమికోన్నత పాఠశాలగా మార్చేలాచూడాలని కోరారు.

5వ డివిజన్లో పాల్గొన్న సిపిఎం పట్టణ కమిటీ సభ్యుడు అవుట రవీందర్, మహిళా ప్రాంగణంలో కార్పొరేషన్ ఎన్నికల హామీ ప్రకారం స్త్రీల స్మశానవాటికకు స్థలం కేటాయించి మౌలిక సదుపాయాలు కల్పించాలనికోరారు. 2017లో కట్టిన డబుల్ బెడ్‌రూమ్ ఇండ్లకుఎంపిక చేసిన లబ్ధిదారులకు వెంటనే ప్రొసీడింగ్ ఆర్డర్లు ఇచ్చి, మౌలిక సదుపాయాలతో పాటు నివాసయోగ్యంగా తయారు చేయాలని పటిష్టంగా డిమాండ్ చేశారు.