*నిబంధనలు ఉల్లంఘిస్తున్న చౌటుప్పల్ మండల పరిధిలోని స్కూళ్ళు

*​చర్యలు తీసుకోవాలని సహస్ర ఫౌండేషన్ చైర్మన్ డాక్టర్ శివప్రసాద్ డిమాండ్

చౌటుప్పల్ మండలంలోని పలు ప్రైవేట్ పాఠశాలలు నిబంధనలకు విరుద్ధంగా పుస్తకాలను విక్రయిస్తూ దోపిడీకి పాల్పడుతున్నాయని సహస్ర ఫౌండేషన్ చైర్మన్ డాక్టర్ శివప్రసాద్ ఆగ్రహం వ్యక్తం చేశారు. ఈ విషయమై ఆయన డైరెక్టర్ ఆఫ్ స్కూల్ ఎడ్యుకేషన్ నవీన్ నికోలస్ (IAS) కు గురువారం లిఖితపూర్వకంగా ఫిర్యాదు చేశారు.​చౌటుప్పల్‌లోని ట్రినిటీ, అన్నా మెమోరియల్, కృష్ణవేణి, శ్రీ చైతన్య, నారాయణ తదితర పాఠశాలలు విద్యా చట్టాలను ఉల్లంఘిస్తున్నాయని ఆయన పేర్కొన్నారు. "విద్య అనేది హక్కు, వ్యాపారం కాదు" అని, తక్షణమే ఈ స్కూళ్లపై విచారణ జరిపి చట్టపరమైన చర్యలు తీసుకోవాలని, విద్యార్థులను, తల్లిదండ్రులను ఆదుకోవాలని ఆయన డిమాండ్ చేశారు.